ජනප්‍රිය රංගන ශිල්පිනී ගයත්‍රී ඩයස්ගේ මව කොවිඩ් ආසාදිතව මියගොස් තිබෙනවා. ෆේස්බුක් සටහනක් තබමින් ඇය සඳහන් කර ඇත්තේ මවට නිසි සමුගැනීමක් ලබා දීමට නොහැකි වීම පිළිබඳව කණගාටුවක් ඇති බවයි. ඔබගේ ආදරණීයයන්ට මෙම මාරාන්තික රෝගයට නිරාවරණය වීමට ඉඩ නොදෙන ලෙසද ඇය තම සටහනින් ඉල්ලා තිබෙනවා. “කරුණාවන්ත හා ත්‍යාගශීලී වූ මගේ ලස්සන මව දැඩි සත්කාර ඒකකයේ දී අභාවප්‍රාප්ත විය. ඇයව ආදාහනය කිරීම සඳහා පැය කිහිපයක් ඇතුළත රැගෙන ගියා. මගේ මවට නිසි සමුගැනීමක් කිරීමට නොහැකි වීම දවසේ සෑම තත්පරයකම මාව කාලකණ්ණි කරයි.” යනුවෙන් ද ගයත්‍රිගේ සටහනේ ඇතුළත් වනවා. ඇගේ සම්පූර්ණ සටහන පහතින් කියවිය හැකියි. ‘ජුනි 13 වන දින මගේ ආදරණීය මව කොරෝනා වයිරසය හේතුවෙන් අභාවප්‍රාප්ත විය. ඇයට හෘද රෝගයක් තිබුණා. හුස්ම ගැනීමේ අපහසුතා හේතුවෙන් ඇය රෝහල් ගත කෙරිණි. ඇය සෙමෙන් සුවය ලබමින් සිටියදී ඇයට හෘදයාබාධයක් ඇතිවිය. අතිශයින් කරුණාවන්ත හා ත්‍යාගශීලී වූ මගේ ලස්සන මව දැඩි සත්කාර ඒකකයේ දී අභාවප්‍රාප්ත විය. ඇයව ආදාහනය කිරීම සඳහා පැය කිහිපයක් ඇතුළත රැගෙන ගියා. මගේ මවට නිසි සමුගැනීමක් කිරීමට නොහැකි වීම දවසේ සෑම තත්පරයකම මාව කාලකණ්ණි කරයි. අද මම මේ කතාව බෙදාගන්නේ අවශ්‍ය පියවර ගන්නා ලෙස සියලු දෙනාගෙන් කාරුණිකව ඉල්ලා සිටීමටයි. තුන්වන රැල්ල පළමු තරංග දෙකට වඩා නරක ය, දිනපතාම මරණ සංඛ්‍යාව වැඩි වෙමින් පවතී. අවසානයේදී, මගේම මව තෙවන කෝවිඩ් රැල්ල විසින් ගනු ලැබීය. ඔබගේ ආදරණීයයන්ට මෙම මාරාන්තික රෝගයට නිරාවරණය වීමට ඉඩ නොදෙන්න”

රජයේ අමාත්‍යවරුන්ට ලැබෙන්නේ කලින් හිටපු ඇමතිවරයා නොව ඊටත් පෙර සිටි ඇමතිවරයා පාවිච්චි කළ වාහන බවත් ඒවා අවුරුදු 10 ක් පමණ පරණ වාහන බවත් රාජ්‍ය අමාත්‍ය ආචාර්ය නාලක ගොඩහේවා මහතා පවසනවා. ඊයේ (14) කෙරවලපිටියේදී මාධ්‍යට අදහස් දක්වමින් රාජ්‍ය අමාත්‍යවරයා මේ බව ප්‍රකාශ කළා. ජනතාව සිතන ආකාරයේ සුඛෝපභෝගී වාහන ඇමතිවරුන් සන්තකයේ නොමැති බව පෙන්වා දෙන අමාත්‍යවරයා සෑම අවස්ථාවකදීම දේශපාලනඥයා දෙස වෛරයෙන් නොබලන ලෙස ජනතාවගෙන් ඉල්ලීමක්ද සිදුකළා. වැඩිදුරටත් අදහස් දැක්වූ අමාත්‍යවරයා, ”මිනිස්සුන්ට අමාරුවක් වුණාම දේශපාලනඥයින්ගෙනේ ආධාර බලාපොරොත්තු වෙනවා. දේශපාලනඥයට කියනවා පඩියවත් ගන්න එපා කියලා. ඒවා සාධාරණ ද කියලා පොඩ්ඩක් කල්පනා කරලා බලන්න.” ඇතැම් මන්ත්‍රීවරු පාර්ලිමේන්තුවට පැමිණෙන්නේ බස් රථයෙන් බවත් ඇතැම් අහිංක , පිරිසිදු දේශපාලනඥයින්ට ඇඟිල්ල හෝ දිගු කිරීම ආසාධරණ බව ත් ඔහු අවධාරණය කර සිටියේ ය. ”සමහර දේශපාලනඥයින්ට ඇගිල්ලවත් දිගු කරන එක අසාධාරණයි.. ඒ තරම් අහිංසකයි පිරිසිදු මිනිස්සු එවැනි දේශපාලනඥයින්ට රජයෙන් යම් දෙයක් ලැබෙනවා නම්, තමන්ගේ වැඩ කටයුතු කරන්නට මං හිතන්නේ ඒකට ක්‍රෝධයෙන් වෛරයෙන් කතා කරන එක හරි නෑ . මම දවසට කිලෝ මීටර් 100ක් විතර දුවනවා” යැයි ප්‍රකා

මුද්‍රා තැබූ මත්පැන් අලෙවිසැල් කිහිපයක් මුද්‍රා ඉවත් කළ මත්පැන් අලෙවි කිරීම සම්බන්ධයෙන් විමර්ශන අරඹා ඇති බව සුරාබදු කොමසාරිස් කපිල කුමාරසිංහ මහතා පවසනවා. දකුණු පළාතේ සහ බස්නාහිර පළාතේ පවත්වාගෙන ගිය මත්පැන් අලෙවිසැල් හතරක් මෙලෙස මුද්‍ර ඉවත් කර ඇති බවත් එම බලපත්‍රලාභීන් වරදක් කර ඇතැයි තහවුරු වුවහොත් ඔවුන්ට එරෙහිව කාර්මික අපරාධ චෝදනා යටතේ ලක්ෂ 5ක් සමත ගාස්තුවක් අය කරගන්නා බවත් සුරාබදු කොමසාරිස්වරයා සඳහන් කරනවා. කොවිඩ් පැතිරීම පාලනය කිරීම සඳහා රටපුරා සංචරණ සීමා ක්‍රියාත්මක කිරීමත් සමග මත්පැන් අලෙවිසල් ඉකුත් මැයි මස 13 වැනිදා සිට වසා දැමුණා.

ගෑස් සමාගම් පවත්වාගෙන යාමට නම් ගෘහස්ථ ගෑස් සිලින්ඩරයක මිල අවම වශයෙන් රුපියල් 400 කින් වත් වැඩි කළ යුතු බවට වන යෝජනාවක් ගෑස් මිල සම්බන්ධයෙන් සොයා බැලීමට පත්කළ කමිටුවේ දී ඉදිරිපත් වූ බව වාර්තා වනවා. ඊයේ (14) මෙම කමිටුව රැස්ව ඇති අතර ඩොලරයේ අගය ඉහළ යාමත් ලෝක වෙළෙඳ පොළේ ගෑස් මිල විශාල වශයෙන් ඉහළ යාමත් යන කරුණු මත ගෑස් මිල වැඩි කළ යුතුව ඇතැයි ගෑස් සමාගම් ප්‍රධානින් එහිදී පෙන්වා දී තිබෙනවා.

පාන් හැර අනෙකුත් බේකරි නිෂ්පාදනවල මිල ඉහළ ගොස් ඇති බව සමස්ත ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා LIVEAT8.LK වෙබ් අඩවියට සඳහන් කළා. ඔහු කියා සිටියේ බේකරි හිමියන් විසින්ම මිල ඉහළ දැමීම සිදුකර ඇති බවයි. බනිස් ඇතුළු බේකරි නිෂ්පාදනවල මිල රුපියල් 5ත් 10 ත් අතර මිලකින් ඉහළ ගොස් ඇති බවයි පාරිභෝගිකයන් පෙන්වා දෙන්නේ.